2-01-2012
Hádegisjóga á þriðjudag og fimmtudag, 3. og 5. jan 2012
Hádegisjóga á þriðjudag og fimmtudag, 3. og 5. jan 2012
Á meðan við erum að leggja lokahönd á stundatöfluna okkar sem tekur gildi mánudaginn 9. janúar 2012 munu hádegisjógatímar verða í boði í Sóley Natura Spa. Það eru þeir Einar Indra og Beggi (Bergsteinn Jónsson) jógakennarar sem munu skipta þeim bróðurlega á milli sín.
Jógatímarnir verða sem hér segir:
Þriðjudag 3. janúar og fimmtudag 5. janúar kl. 12.05.
Ein af hugsjónum okkar í Sóley Natura spa er að bjóða upp á andlega og líkamlega þjálfun í bland við þá næringu, slökun, kyrrð og ró sem hægt er að njóta innan veggja heilsulindarinnar. Úrval jóganámskeiða eru skýrasta dæmið um það, en orðið jóga - sem er fimm þúsund ára gamalt kerfi lífsreglna - merkir sameining. Í jóga eru m.a. gefnar leiðbeiningar um líkamsæfingar og hugleiðslu í því skyni að sameina anda og líkama, og auðvitað kyrra hugann líka.
Í jóganu er heilsustef okkar fólgið, þótt mörg önnur tilbrigði verði við það stef.